O VIII Festival Kerouac enche de poesía Vigo

Un total de 45 creadores amosarán a súa lírica en nove escenarios da cidade

Un total de 45 poetas, que recitarán en oito linguas e encherán nove escenarios de Vigo. Esta é a proposta da oitava xeira do Festival Kerouac, que inicia mañá a súa andaina e se prolonga ata o vindeiro 7 de outubro. Entre os nomes, destaca o estadounidense Bob Holman e a presenza dos participantes no obradoiro de tradución poética Con barqueira e remador. Bonafide Rojas, Iria Sobrado, Fátima Delgado, Celia Parra Díaz ou Sheila Blanco son outros nomes que participan no encontro, que inclúe performances, vermús poéticos e intervencións en diferentes espazos da cidade.