CGAC e Es Baluard Museu de Palma presentan a súa primeira exposición conxunta

O Es Baluard Museu D’art Contemporani de Palma, dirixido polo galego David Barro, e o Centro Galego de Arte Contemporánea (CGAC) veñen de abrir as súas colaboracións coa inauguración no centro das Illes Balears da exposición Jannis Kounellis. Labirinto sen paredes.

Centrada no legado dun dos creadores máis importantes do século XX e máximo expoñente da Arte Povera, esta primeira exposición temporal conxunta entre ambos centros manterase ata o 30 de agosto no espazo balear para despois verse no CGAC, en Santiago de Compostela, a partir do 25 de setembro de 2026 ata o 21 de febreiro de 2027. O propi Davir Barro é comisario da mostra, que reúne creacións procedentes de coleccións particulares españolas e internacionais, datadas entre 1993 e 2013.