Galicia vai reducindo a fenda dixital e aproximando as métricas da sociedade da información a valores da media estatal, alomenos segundo indica o informe A Sociedade da Información nos fogares galegos editado pola axencia AMTEGA, da Xunta de Galicia. O informe destaca a redución das diferencias entre Galicia e outros territorios. No caso da banda larga, que xa chega ao 71,4% dos fogares, "o crecemento porcentual de Galicia durante os años 2012-2015 foi do 34,5%, un 16,6% en España e un 11,1% na Unión Europea". O informe analiza usos e hábitos e conclúe que "a ocupación e nivel de estudos, a renda familiar, o tamaño de hábitat, a idade ou a presenza de nenos no fogar son os factores que máis repercuten no uso das TICs ".
