O Centro Dramático Galego estrea a súa primeira coprodución con Cataluña

Textos poéticos de Alfonso Pexegueiro e Narcís Comadira en galego e catalán son a base de Ganas de ouvear (Ganes D’udolar). O Salón Teatro de Compostela acolle esta noite a estrea da súa primeira coprodución co Teatre Nacional de Catalunya e a compañía Catrocadeiras.

Dani Salgado dirixe un proxecto que protagoniza el mesmo, canda a Joan Giralt, ambos os dous profesores da Escola Superior de Arte Dramática de Galicia. O argumento xira precisamente arredor do xeito no que estes dous directores se confrontan "coa súa función como docentes e coa maneira na que contemplan tanto a poesía como a arte do teatro".

A obra, que xa se puido ver en Barcelona, estréase hoxe ás 20:30 e fica en Compostela ata o vindeiro domingo.