Inés Rey, alcaldesa da Coruña, durante a inauguración de 'Peteiro'. Foto: concello da Coruña
94 obras de 21 entidades públicas, privadas e prestadores individuais permiten entrar no "coñecemento do seu pensamento e sentimento artístico", explican. As obras permiten coñecer a etapa máis fértil e produtiva do arista coruñés Jorge Peteiro, finado en 2013. A exposición, que se pode visitar no Kiosco Alfonso ata o 21 de xullo, está comisariada por Pedro Vasco xunto con Beatriz García Trillo, artista e viúva de Jorge Peteiro. Durante a inauguración, a alcaldesa Inés Rey referiuse a Peteiro como un artista que creou "un imperio de soños e fantasías" e aludiu a que "comopartía o seu lado máis bohemio con artistas coetáneos como Xaime Cabanas ou Correa Corredoira".
