A cita pretende "pensar acerca do futuro -ou, mellor, dos futuros- da antropoloxÃa galega e da propia asociación". Espazos para a reflexión colectiva ou presentación de traballos de investigación amosarán as tendencias polas que se desenvolve esta disciplina no noso paÃs.
Entre as propostas que se darán a coñecer no encontro están estudos como o que Paula Sánchez Carrera está a desenvolver sobre o proxecto de recuperación da memoria do barrio compostelán de Vite, o labor que Lois Ladra desenvolve sobre a memoria oral do Corgo ou o estudo sobre a luz e o equinoccio na capela de San Miguel de Celanova de Ana MarÃa Durán.
A migración peruana a Galicia ou a comunidade caboverdiana de Burela, os impactos da vaga de parques eólicos que se proxectan no paÃs ou unha análise sobre os santuarios animalistas son outras cuestións que se abordarán por parte de especialistas que centran nestes temas as súas investigacións.
A ollar cara o desenvolvemento da disciplina, Carmen Varela achegará ao encontro as súas "Reflexións ao redor dun congreso internacional de antropoloxÃa: Presenza e peso da antropoloxÃa en, desde e para Galicia", e unha mesa redonda tratará os "DesafÃos colectivos no traballo antropolóxico coas institucións. Reflexións a partir de Ponte nas Ondas e o Informe Bic Foliada". Xerardo Pereiro Pérez e Beatriz Busto Miramontes, coa moderación de Iria Vázquez Silva e de Luzia Oca González participan desta actividade.
A asistencia ao encontro é aberta e gratuÃta ao longo das sesións da mañá. As persoas interesadas teñen ata este 29 de abril para se inscribir no web da Agantro. Durante a tarde a asociación desenvolverá a súa asemblea anual.
