En marcha a lei que regulará os novos conceptos de patrimonio cultural

O Presidente da Xunta, Alberto Núñez Feijóo, definiuna como un dos proxectos "máis importantes desta lexislatura". Logo de moitos anos, onte foi presentada tras o Consello da Xunta o anteproxecto da nova Lei de Patrimonio Cultural de Galicia. Segundo Feijóo, a clave da lei é a simplificación dos procedementos, a regulación de novos conceptos de patrimonio coma o inmaterial, o científico ou o industrial, e a colaboración entre administracións, especialmente os concellos, que asumirán segundo a lei algunhas das competencias administrativas que ata agora mantiña a Xunta.