A Lei de Convivencia e Participación da Comunidade Educativa permitirá que a Xunta consulte aos pais sobre a lingua na que prefiren escolarizar os seus fillos. O conselleiro de Educación, Xesús Vázquez, presentaba onte o anteproxecto desta norma, xa anunciada polo presidente da Xunta, Alberte Núñez Feijóo cando dera a coñecer o decreto para o plurilingüismo. O novo texto, ademais, recolle a posibilidade de que os pais opinen noutros procesos educativos e dálle aos profesores a condición de autoridade pública. Agora, o anteproxecto será remitido ao Consello Escolar de Galicia antes de chegar ao Parlamento.
