A USC acolle un gran congreso sobre edición para minorías

Realizarase do 3 ao 6 de abril

Coa conferencia inaugural do catedrático Ángel Gabilondo, catedrático de Metafísica da Universidade Autónoma de Madrid e ex-ministro de Educación, comezarán as mesas redondas do congreso "Editar para minorías" que organiza CampUSCculturae na Universidade de Santiago de Compostela, e no que participarán editores, ilustradores, encadernadores e diferentes profesionais da cadea de valor do libro. Editores como Mario Muchnik ou Francisco Porrúa, escritores como Juan Bonilla, Miguel Anxo Murado ou Jorge Carrión, daranse cita con moitos outros profesionais en Santiago de Compostela. O programa xa se pode consultar completo.