Dous dedos para descubrir o territorio

O Consello da Cultura Galega presentou hoxe na praza do Obradoiro o LEME, unha nova aplicación gratuíta e aberta para teléfonos móbiles, iPad e iPhone orientada á descuberta dos equipamentos e recursos culturais galegos. Por agora a app está dispoñible para iOS (iPhone e iPad) e no outono chegará a versión para Android. LEME está orientada para profesionais da xestión cultural e tamén para turistas e amantes da cultura galega, e calquera pode contribuír ao seu contido.

O Consello da Cultura Galega presentou hoxe na praza do Obradoiro, esquina Hostal dos Reis Católicos, LEME, unha nova aplicación gratuíta e aberta para teléfonos móbiles, iPad e iPhone orientada á descuberta dos equipamentos e recursos culturais galegos. Por agora a app está dispoñible para iOS (iPhone e iPad) e no outono chegará a versión para Android.

No acto interviron Ramón Villares, presidente da institución, e Manuel Gago, director do portal cultural www.culturagalega.org, que ofreceu unha demostración práctica do uso da nova aplicación. LEME (temón, sentido) ponse en marcha con máis de seis mil localizacións e presentase como "un etiquetado cultural do territorio galego", afirmou Ramón Villares.

LEME (temón, sentido) nútrese dos contidos das bases de datos de información xeográfica do Consello da Cultura Galega, coma o Mapa de Equipamentos Culturais, os Roteiros da Cultura Galega e o proxecto As Escolas da Emigración, ofrecendo de partida máis de 6.000 localizacións ao longo de toda Galicia. Desde teatros, auditorios ou galerías de arte ata castelos, castros ou espazos literarios. "É un etiquetado cultural lemedo territorio galego", dixo Ramón Villares.

A aplicación móbil nútrese dos contidos das bases de datos de información xeográfica do Consello da Cultura Galega, coma o Mapa de Equipamentos Culturais, os Roteiros da Cultura Galega e o proxecto As Escolas da Emigración, ofrecendo de partida máis de 6.000 localizacións ao longo de toda Galicia. Desde teatros, auditorios ou galerías de arte ata castelos, castros ou espazos literarios. Foi desenvolvida en colaboración coa empresa Taptil.

De turismo co móbil
A app permite ao usuario facer turismo cultural a través de rutas guiadas seguindo o ronsel de destacados escritores do país, consultar espazos de celebración de eventos e mesmo explorar, anotar e compartir novos espazos culturais que o usuario considere relevantes.

LEME está programado para que terceiras entidades, sen coste algún, poidan incorporar tamén os seus espazos xeolocalizados á aplicación e crear un gran centro de recursos móbil sobre a cultura de Galicia. "Trátase de que os usuarios poidan contribuir, xunto co Consello da Cultura Galega, ao desenvolvemento e enriquecemento desta plataforma aberta e gratuíta", subliñou Manuel Gago.