A Barrié trae a Vigo o traballo da Escola de Ulm

Aparellos da marcha Braun. O mapa do metro de Londres. Folletos de Lufthansa. Todos estes elementos, e moitos outros, atópanse desde o pasado 7 de xuño na sede viguesa da Fundación Barrié. A exposición Deseño de Sistemas. Escola de Ulm, coordinada polo Disseny Hub Barcelona, recolle en cinco grandes áreas (sistemas de moblaxe, sistemas de construción, sistemas de electrónica, identidade corporativa e sistemas de comunicación) o traballo deste prestixioso centro de deseño, continuador da Bauhaus, ao longo do século XX.

Na mostra poden verse, ata o vindeiro 14 de outubro, un total de 70 pezas que exploran "o concepto de sistema, expresado como conxunto de compoñentes enlazados racionalmente entre si, que son capaces de xerar un obxecto ou de contribuír ao seu desenvolvemento e formación".

Galería: Deseño de Sistemas. Escola de Ulm

Prototipo do mapa do metro de Londres. Harry Beck. Fonte: DHUB / Fundación Barrié

Karl Gröbli, Jean–Claude Ludi, Rudolf Schärer e Michael Weiss. Parada d’autobús. 1967–1968

Fonte: DHUB/Fundación Barrié

Braun KM2 Multiwerk, Richard Fischer e Diéter Rams, 1965

Fonte: DHUB/Fundación Barrié

Hans Gugelot e Herbert Lindinger. Combinación de radio e tocadiscos. Braun,1956

Fonte: DHUB/Fundación Barrié

Hans Gugelot e Dieter Rams. Braun SK4 Combinación de radio e tocadiscos, 1958.

Fonte: Museu de les Arts Decoratives de Barcelona-DHUB/Fundación Barrié

Hans von Klier. Xogo modular de animais, 1958

Fonte: DHUB/Fundación Barrié

Imaxe corporativa de Lufthansa. Escola de Ulm

Fonte: DHUB/Fundación Barrié

Á esquerda, deseño da Braun T3 pocket radio, de Dieter Rams. Á dereita, Ipods.

Fonte: DHUB/Fundación Barrié