Mariña Patrimonio descobre o primeiro petróglifo podomorfo da zona

Técnicos da Xunta acaban de inventariar o primeiro petróglifo podomorfo do que se ten constancia na Mariña Lucense. A asociación Mariña Patrimonio foi a responsable da descuberta deste ben, que é ademais o primeiro petróglifo que aparece en Ribadeo. Na laxe localizada por membros deste colectivo poden verse once gravados con forma de pés e mais dúas cazoletas. Os restos están vencellados á lenda dunha moza encantada que tería sido a responsable de deixar as pegadas.