Un desafío entre as pantallas [vídeo]

Vinte expertos na Illa de San Simón e un numeroso público interactuante desde o hastag de Twitter debaten entre onte e hoxe o futuro da comunicación interactiva en Internet. O obxectivo, repasar de xeito informal as novas tendencias no ámbito do xornalismo, a creación, a propiedade intelectual ou o mercado e o negocio. Os debates, moi animados, están a reflectir as incertidumes do mundo dixital.

"Todo gratis?", pregunta Julián Hernández, de Siniestro total. "Non", contestan Mario Tascón e Javier Celaya, xornalista e editor respectivamente. "A cuestión é que no proceso do medio está a intermediación, que desaparece", sinala Tascón. ¿E que vén despois? Para os participantes no #Nethinking, a industria está afrontando un futuro novo que se ten que redefinir. A clave, para moitos, están nas redes sociais. Para Eduardo Arcos, propietario de Hipertextual, unha das principais compañías de blogs en español, "afirma que un 20% do noso tráfico procede das redes sociais, e cremos que iso vai medrar. O máis importante é que é tráfico de calidade". Reflexionamos con algúns dos axentes sobre o novo futuro da comunicación que procede das redes sociais.