A Cidade da Cultura recibe 400 visitas o primeiro día aberta

Onte, primeiro día no que a Cidade da Cultura estivo aberta ás visitas libres dos cidadáns interesados, foron 400 as persoas que se achegaron ata o complexo do Gaiás. Segundo destaca a Consellaría de Cultura, o interese espertado pola inauguración parcial do conxunto fixo que se esgotasen as prazas para as visitas guiadas no que resta do mes de xaneiro. Agárdase que ata entón 2.000 persoas se acheguen ao espazo no marco deste programa, ao que haberá que sumar as que opten por o visitar de xeito libre.