Antes de final de mes o Pazo de Meirás abrirá ao público mediante visitas guiadas en galego e en castelán. A Consellaría de Cultura anunciaba onte que asinou un convenio coa familia Franco, propietaria do inmoble, para garantir a apertura deste Ben de Interese Cultural un mínimo de catro días ao mes, tal e como establece a Lei do Patrimonio de Galicia. O itinerario prefixado polo pazo terá unha duración aproximada de hora e media e contará cun servizo de seguridade.
