A Consellaría de Cultura abre un novo expediente polas visitas ao Pazo de Meirás

A negativa da familia Franco para facilitar as visitas ao Pazo de Meirás levou á Consellaría de Cultura a abrirlle un novo expediente sancionador. Logo de tentar contactar cos propietarios repetidamente, a Dirección Xeral de Patrimonio anunciou onte o inicio dun proceso sancionador que lles pode supor unha multa de entre 300 e 6.000 euros. O acordo suscrito pola familia Franco establece horarios de visita todos os venres, pero hai meses que non era posible reservar cita ao non existir o número facilitado para este proceso. A Consellaría xa iniciara un expediente hai uns anos pola mesma causa.