Trátase dun descubrimento moi importante. Un estudo con xeorradar encargado pola Deputación da Coruñar revelou a existencia dun poboado anexo ao dolmen de Dombate, un dos monumentos megalíticos máis coñecidos do país. O poboado está delimitado por unha estraña gabia reelaborada cando menos en catro ocasións. A gabia ten 954 metros de perímetro e 154 metros de radio, e no seu interior podería localizarse un poboado da Idade do Bronce que podería chegar mesmo ata os inicios da Idade do Ferro. En teoría o dolmen xa non cumpría o seu papel de monumento funerario de aquela. A gabia e o poboado conectan o espazo de Dombate coa cista de A Insua, actualmente no Museo Arqueolóxico de San Antón.
