O Consello de dirección de Agadic reúnese o venres para elexir o futuro responsable do CDG

É o que ten a última palabra, o consello de dirección de Agadic deberá decidir se acepta ou non a proposta do comité de valoración que avaliou o proceso público convocado para elexir ao futuro responsable do Centro Dramático Galego (e no que figuran tres candidatos: Antonio Simón, David Subík e Blanca Brage Cendán). A xuntanza terá lugar este venres, aínda que Juan Carlos Fasero, director do organismo, non precisou se ese mesmo día se fará pública a decisión ou se agotará o prazo legal establecido para resolver o concurso público, que será o vindeiro día 15 de abril.

O consello de dirección de Agadic está composto por:

PRESIDENTE
Roberto Varela Fariña, conselleiro de Cultura e Turismo

VOGAIS
-Francisco López Rodríguez, director xeral de Promoción e Difusión da Cultura
-Cristina Fabeiro Varela, subdirectora xeral de Difusión Cultural e Publicacións
-Juan Carlos Fernández Fasero, director da AGADIC
-María Nava Castro Domínguez, directora xeral de Comercio (Consellería de Economía e Industria)
-Rosa María Pedrosa Pedrosa, secretaria xeral e do Patrimonio (Consellería de Facenda)