A Feira Cultura En CaMiño celebra esta semana súa cuarta edición

A localidade de Miño acollerá entre os días 17 e 20 de xullo a celebración da cuarta edición da Feira da Cultura EnCaMiño, unha proposta local que reunirá a máis dun cento de escritores, así como a editoras, librarías e outros axentes do sector cultural. A feira, que este ano se desenvolverá nas Pistas do Rabazal e no Centro Social A Rúa, contará cun amplo programa que inclúe obradoiros, conversas e faladoiros literarios para todo tipo de público lector, así como sinaturas de exemplares, unha presentación itinerante por escenarios marítimos, un roteiro poético pola Fraga do Xarío ou espectáculos infantís, de narración oral, humorísticos e musicais.

As conversas literarias atraerán escritores a nivel autonómico, nacional e internacional como como as premios nacionais Chus Pato, Bea Lema e Yolanda Castaño, Pedro Feijóo, Arantza Portabales, Silvia Penas, Marta Villar, Antía Yáñez, Rodrigo Costoya, Andrea Maceiras, Xurxo Souto ou Cecilia F. Santomé, así como escritores relevantes como Santiago Díaz, Luis Zueco, Nagore Suárez, Iria G. Parente, Selene M. Pascual, Myriam M. Lejardi, Lidia G. Merenciano, Lucía Chacón ou a mexicana Natalia M. Alcalde entre outros moitos. Contará coa presenza dun importante número de escritores emerxentes e independentes que virán tanto de Galicia como doutras comunidades autónomas, como é o caso de escritoras como a vasca Xandra Bilbao, a conquense Julia de la Fuente ou as andaluzas Vanessa Hidalgo e Silvia P. Martín, así como a asociación de escritores asturianos Tinta Astur. Esta edición producirase ademais unha colaboración coa asociación cultural Autobán, atraendo un feixe de ilustradoras para dar a coñecer os seus traballos artísticos. Outros puntos de venda serás os das librarías Galgo Azul, Pilar e Libraría Pedreira, así como das editoras independentes Calacán Editora, Hércules de Ediciones, Edicións Malafera ou Mundos Flotantes, dende Madrid.