A ourensá Miriam Reyes, o coruñés Manuel Rivas e os composteláns Germán Sierra e Suso de Toro serán os escritores galegos que participen nas actividades de Kosmópolis 2004, a segunda edición desta bienal que se define como a Festa Internacional da Literatura. O Centro de Cultura Contemporánea de Barcelona acollerá entre o 14 e o 19 de setembro este evento que reunirá máis dun cento de escritores chegados de todo o mundo para compartir ideas e opinións e inclúe exposicións, obradoiros, charlas, concertos e proxeccións audiovisuais.
Máis información no sitio de Kosmópolis
