A Coruña acollerá o segundo Cultur.gal entre o 4 e o 7 de decembro

Como estaba anunciado, a segunda edición do Cultur.gal, a Feira Galega das Industrias Culturais, trasládase de Pontevedra á Coruña. A conselleira de Cultura, Ánxela Bugallo, presentaba esta mañá na cidade Herculina o evento, que se desenvolverá entre o 4 e o 7 de decembro no Pazo do Congresos e Exposicións da Coruña (Palexco). O evento, que segundo Cultural quere "constituírse nunha plataforma que se erixa en referencia anual imprescindíbel para os profesionais do sector e persoas implicadas no mundo da cultura" está dirixido nesta segunda xeira por Nel Vidal e contará coa participación de editoras, discográficas, empresas do sector das artes escénicas ou de servizos socioculturais e proxectos que relacionan a cultura e mais as novas tecnoloxías. De cara ao público xeral está previsto que o evento conte con actuacións musicais, proxeccións, obradoiros, presentacións de libros ou actividades infantís entre outras propostas. O prazo para reservar espazos ábrese o vindeiro mes de setembro