Ábrese o prazo para participar no Cultur.gal

700 euros por un posto de 8 metros cadrados, 1.200 por un de 16 ou 60 euros por metro cadrado nos stands de deseño libre. Estas son as tarifas (sen IVE) que terán que aboar as empresas e entidades culturais interesadas en participar na edición 2008 do Cultur.gal, a Feira Galega das Industrias Culturais. A Consellaría de Cultura facía pública esta mañá a convocatoria para o evento, que está aberta ata o vindeiro dez de outubro. A feira celebrarase entre o 4 e o 7 de decembro deste ano no Pazo de Exposicións e Congresos da Coruña (Palexco).