O Fasntasporto, o festival de cine fantástico de Porto, é unha cita habitual para as producións do país. Pero este ano (do 20 ao 28 de febreiro) a súa presenza vai ser máis destacada xa que o audiovisual galego foi escollido como cinematografía convidada. Seis longametraxes e dez curtas realizadas nos dous últimos anos conforman a escolma galega elaborada pola Axencia Audiovisual Galega e o Festival de Cine Independente de Ourense. Candas as proxeccións, haberá actividades paralelas que van desde mesas redondas sobre o audiovisual galego-portugués, o papel das coproducións e os festivais na promoción do cinema para o gran público.
As longametraxes escollidas son:
Pradolongo de Ignacio Vilar
Rafael, de Xavier Bermúdez,
O espírito do Bosque, de David Rubín e Juan Carlos Pena, secuela de O bosque animado
Eloxio da distancia de Felipe Vega
Pedro e o Capitán, de Pablo Iglesias, que adapta un relato homónimo de Mario Benedetti
A noite que deixou de chover, ópera prima de Alfonso Zarauza
A programación complétase con dez curtametraxes galegas:
A flor máis grande do mundo de Juan Pablo Etcheverry
A meiga chuchona, de Pablo Millán
12007 de Diego Torres
A revolta dos mousses de David Gen
Auga de Xosé Antón Perozo
Cousas do Kulechov de Susana Rei
O cerco, de Martiño Vazquez Baño
O hospital de Iván Seoane
O pintor dos ceos, de Jorge Morais
Santiago de Sangue de Francisco Calvelo
