O MARCO achega a retrospectiva máis importante sobre a animación artística

Que sabemos da animación? Posiblemente pouco. Que é un xénero adscrito aos debuxos animados e que está en boga no mundo cinematográfico. Pero isto é só unha pequena parte. A animación é moito máis, é unha das formas de expresión artísticas contemporáneas máis fortes e innovadoras. “Xeopolíticas da animación”, a última mostra do MARCO, fai un percorrido por este tipo de animación, a que se recolle desde o punto de vista da arte. Descúbrea na nosa fotogalería!

“Todos almorzamos, merendamos e ceamos coa animación” asegura Juan Antonio Álvarez, comisario da exposición “Xeopolíticas de animación” que acaba de inaugurar o Museo de Arte Contemporánea de Vigo e que nos achega a unha animación diferente do que estamos acostumados a ver. Como o traballo de Zhou Xiaohu (Changzhou, 1960), un artista que vai pintando figuras animadas sobre o seu cuerpo nunha historia de sexo e humor; ou o surafricán William Kentridge que con carbón e un toque de vermello ou azul pastel creou animacións nas que ten unha maneira peculiar de representar o seu pais, como pode ser o curioso modo de vida dos brancos durante o Apartheid. Mostras que evidencian que a animación ten un punto de vista artístico e que a arte non é allea á política.

Xeopolítica
“Cremos que a animación non é algo inocente, senón que conta unha maneira de contar o mundo” explica o comisario da mostra. Para defender a súa tese, Juan Antonio Álvarez tomou como modelo o libro de Frederick Jameson que se titula a “Estética geopolítica”, que analizaba a política mundial a partir da cinematografía de cada país, e tróuxoo ao campo da animación. “Se o cine que xurdía en diferentes lugares era distinto e tiña a súas propias representacións simbólicas, no mundo da animación pasaba algo semellante” apunta.

Álvarez eleva un lustro traballando sobre a animación no campo das artes visuais, e descubriu o potencial expresivo en diferentes partes e sentidos. Ese traballo de investigación e reflexión tivo a súa saída cando o Centro Andaluz de Arte Contemporáneo (que xa espuxo a mostra) e o Museo de Arte Contemporáneo de Vigo, MARCO. Por todo isto, a exposición é un mapamundi artístico das diferentes formas de expresión de valores e modelos culturais. Burkas, veos, conflitos raciais son algunhas das iconas que se poden ver reflectidas nesta mostra.

“Tendo en conta que a animación nos fai baixar as barreiras e os prexuízos”, explica Juan Antonio “gustaríame que a xente pudiese comprender a constitución política do presente e que vea como as formas van dun lugar a outro, e como cando migran van mudando de significado”.

A exposición (que estará ata o 1 de xuño na planta baixa do MARCO) compleméntase cun ciclo de proxeccións e varias actividades paralelas. “O programa de vídeo “Historias de aquí” son dúas horas de visionado que reflexiona sobre o significado da animación, ademais de facer un percorrido polo presente da animación española” explica Juan Antonio. Canda el, un obradoiro permitiralle aos máis pequenos realizar as súas animacións e reconstruir os seus propios universos.

God is Design [Deus é deseño], 2005
Abel Abdessemed

Fotograma vídeo Animación en DVD, 4’ 04’’ Cortesía do artista

Useless Wonder [Inútil marabilla], 2006
Carlos Amorales

Fotograma vídeo Animación en DVD en 2 canles de proxección, 8’ Cortesía do artista / Galería Kurimanzutto, Cidade de México

Extramücadele [Memed Erdener]
The Forest of Peace [O bosque da paz], 2004

Fotograma vídeo Animación Flash, 1’ 40’’ Cortesía do artista

William Kentridge
Ulisse: Echo, Scan, Slide, Bottle, 1999

Fotograma vídeo Videoinstalación en 3 canles de proxección, película en 35 mm transferida a disco láser, b/n, son, loop Col.lecció MACBA. Fundació Museu d’Art Contemporani de Barcelona

Tomoko Konoike
mimio-Odyssey [A odisea de mimio], 2006

Fotograma vídeo Animación en DVD, 11’ 30” Cortesía da artista / Mizuma Art Gallery, Toquio

Valeriano López
Estrecho Adventure [Aventura do Estreito], 1996

Fotograma vídeo Animación Flash, 6’ 29” Cortesía do artista

Cristina Lucas
Pantone, 2007

Fotograma vídeo Animación en DVD, 41’ 07” Cortesía da artista

Txuspo Poyo
Delay Glass [O espello da demora], 2007

Fotograma vídeo Animación en DVD, 8’ 30” Cortesía do artista

Kara Walker
…calling to me from the angry surface of some grey threatening sea. I was transported [...chamábame dende a embravecida superficie dun mar grisáceo e ameazador. Transportábame], 2007

Fotograma vídeo Animación en DVD, 9’ 10” Cortesía da artista / Sikkema Jenkins & Co., Nova York

Zhou Xiaohu
The Crowd of Bystanders [A multitude dos transeúntes], 2003-2004

Fotograma vídeo Animación en DVD Cortesía do artista / Long March Space, Beijing