A Feira Galega das Artes Escénicas de Galicia comeza hoxe en Santiago por partida triple. En primeiro lugar, porque acaba de ter lugar a inauguración oficial coa que queda aberto o espazo coas casetas das entidades participantes. En segundo lugar, porque o IGAEM fixo público os gañadores dos premios que concede anualmente relacionados co teatro e, en terceiro lugar, porque esta tarde comezan as montaxes. A festa do teatro levanta o pano.
O XVI premio Álvaro Cunqueiro para textos teatrais foi para Roberto Salgueiro González pola obra titulada Historia da chuvia que cae todos os días. Non era a primeira vez que Salgueiro, quen recibiu este premio noutras catro ocasións, faise con este galardón dotado con 6.000 euros máis a edición da obra. Doutra banda, o premio Manuel María de Literatura Dramática Infantil (dotado con 4.000 euros) foi para Carlos Losada Galiñáns por Game over. Sen embargo, o premio que promove o IGAEM para galardoar os textos para teatro de monicreques foi declarado deserto ao considerar o xurado que os presentados non tiñan calidade suficiente.
Historia da chuvia que cae todos os días conta o enfrontamento entre un pai e un fillo, o que permite a Salgueiro analizar outras cuestións como a constitución de Galicia como espazo universal. Pola súa parte, Game over conta a viaxe dun neno ao país da súas marabillas, dos seus xogos e dos seus medos, unha aventura que sempre deixa de agasallo moito máis do que o propio aventureiro imaxinou.
O XVI premio Álvaro Cunqueiro para textos teatrais foi para Roberto Salgueiro González pola obra titulada Historia da chuvia que cae todos os días. Non era a primeira vez que Salgueiro, quen recibiu este premio noutras catro ocasións, faise con este galardón dotado con 6.000 euros máis a edición da obra. Doutra banda, o premio Manuel María de Literatura Dramática Infantil (dotado con 4.000 euros) foi para Carlos Losada Galiñáns por Game over. Sen embargo, o premio que promove o IGAEM para galardoar os textos para teatro de monicreques foi declarado deserto ao considerar o xurado que os presentados non tiñan calidade suficiente.
Historia da chuvia que cae todos os días conta o enfrontamento entre un pai e un fillo, o que permite a Salgueiro analizar outras cuestións como a constitución de Galicia como espazo universal. Pola súa parte, Game over conta a viaxe dun neno ao país da súas marabillas, dos seus xogos e dos seus medos, unha aventura que sempre deixa de agasallo moito máis do que o propio aventureiro imaxinou.
Continúa lendo a nova aquí
