Debuxante e ilustrador, os primeiros cómics publicounos en diversos fanzines de Galicia, Barcelona e Madrid, cofundando o vigués Katarsis en 1982. Nos 90 publicou debuxo humorístico nos xornais A Nosa Terra, Faro de Vigo e A Peneira. Ten obra no Museo do Humor de Fene. Ilustrou libros de texto, deseñou carteis para entidades sociais e sindicais. Participou no volume From Galicia with Humor do Museo do Humor (1995) e en Debúxame un conto (Gálix, Santiago de Compostela 1999). Colabora na publicación das Mariñas A Xanela, facendo banda deseñada, desde o nº3 (primavera de 1997).

Palmarés
Participou xa en 1985 no "I Concurso de cómics Casa da Xuventude de Ourense" coa historia "Non era tanto misterio". Accésit no I Premio Ourense de BD (1991).

---

---

---

  Noticias relacionadas