Cofundador do fanzine "Carne líquida", é un dos autores fixos da revista "Barsowia" desde o seu primeiro número e o autor individual con maior volume de obra presente no tomo colectivo "Barsowia en llamas", no que contou cun capítulo de temática robótica practicamente exclusivo da súa autoría. Tamén foi un dos nomes ineludibles do "Fanzine Enfermo", e contribuiu á revista "Dos veces breve" (especial underground), ao álbum colectivo "H2Oil", así como ao web www.chapapote.org do Colectivo Chapapote. Historietas súas viron a luz nos compilatorios do principal concurso galego de BD nos anos 1999 e 2003. Ademais, ten sido merecedor de recoñecementos como pintor, participando en diversos certames.

Palmarés
4º premio na categoría de 18 a 22 anos do I Certame de Imaxe Artística Xuventude 2000 modalidade BD. Primeiro premio (cat.A) no VII certame de Cangas 2005 coa historia "Robot Orgánico". De novo, primeiro premio (Cat.A) no VIII certame de cómic de Cangas 2006 coa historia "Día de bosque". No certame do INJUVE categoría cómic levou accésits en 2006 e 2008. Primeiro premio na categoría A do Certame de Cangas 2007 con "Sigmund Freud en: El niño que no tenía manos". En 2007 levou o primeiro premio no certame Valencia Crea polo cómic “El proceso”. Na categoría cultura recibiu o segundo premio do II Concurso Creacómic (2009), grazas á obra “Cultura degeneradora”. Ademais, recibiu varios premios en certames de artes plásticas. En 2009 gañou o concurso Gz Crea coa peza “Os mortos”. Tamén en 2009 gañou o I Certame Galego de Cómic sobre Teatro, no que se convocaban adaptacións a BD da obra Doentes, de Roberto Vidal Bolaño. En 2010 e co álbum “A man do diaño” gañou o VI premio Castelao de banda deseñada da Deputación da Coruña.

Formación específica
Realizou o Bacharelato Artístico. Licenciado pola especialidade de Pintura na facultade de Belas Artes de Pontevedra.

---

---

---

  Noticias relacionadas