A editorial Baía Edicións ven de por en marcha unha nova colección (en formato grande e encadernación en capa dura) de divulgación de elementos singulares do noso medio natural, dirixida, fundamentalmente, a nenas e nenos de ensino primario, baixo o lema xenérico de A aventura de vivir. Na primeira entrega, Calros Silvar, cun texto moi sinxelo e de fácil comprensión para as lectoras e os lectores aos que vai dirixido e mesmo cunha presentación do protagonista, humanizado ao modo dos contos clásicos e tradicionais dos animais falantes, como guía do seu ecosistema para os visitantes que acoden a coñecelo. Asemade, vai explicando quen son as árbores e, concretamente, os Quercus e as diferenzas máis singulares entre as distintas especies, como nacen, se desenvolven e como evolucionan durante o seu longo período de vida. Alerta tamén dos perigos que o axexan no presente e fai unha chamada para procurar a súa defensa como un piar básico da conservación da natureza. Finalmente, achegándose ao terreo cultural, explica os usos que as persoas fixeron deles e a importancia que en determinados aspectos tiveron para a evolución de moitos pobos e a súa pegada na cultura popular.

Convén salientar tamén e de forma moi especial o magnífico traballo de ilustración do seu autor, poñendo en evidencia o alto nivel da ilustración da natureza no noso país, onde Calros Silvar destaca por méritos propios.

Baía Edicións e Cultura Galega queremos agasallarte cun libro sobre a árbore máis característica do noso país. Para gañar só terás que demostrar que coñeces O CARBALLO. Cinco libros d’O Carballo de Baía Edicións sortearemos entre aqueles que contestedes correctamente unha sinxela pregunta: Como se chama o froito do Carballo?




As respostas enviaranse antes das 15 horas do 24 de xaneiro ao correo lg3@culturagalega.org..

O correo debe levar como asunto “sorteo Carballo Baía Edicións” e incluír o nome e apelidos, o teléfono e o número de DNI da persoa que participa.

Cada persoa só poderá participar unha vez e a través dunha soa conta de correo.

Entre todos os nomes dos participantes levarase a cabo un sorteo cun programa de selección aleatoria que elixirá cinco nomes de xeito correlativo.

O resultado do sorteo farase público durante a mañá do 25 de xaneiro no portal na páxina desta promoción e comunicaráselle directamente ao gañador ou gañadora pedíndolle o seu enderezo postal.

Os datos de contacto só terán como uso facer o envío dos libros de Baía Edicións e non serán almacenados en ningunha base de datos nin usados para ningunha outra finalidade.

Sorteo pechado

Respostas correctas: Landra ou belota (as dúas están recoñecidas pola RAG)

Gañadores/as:


1. Mar Iglesia Cabaneiro

2. Angela Alvarez Morandeira

3. Sergio Rojo Martínez

4. Antón Romero Ces

5. Mar Corbelle Valiño