Miguelanxo Prado, Barsowia e David Rubín volta con premios do XXV Saló del Còmic de Barcelona

Se xa tíñamos a esperanza dalgúns premios galegos no XXV Saló del Cómic de Barcelona, os resultados non nos defraudan. A grande sorpresa desta edición foi a entrega do Grande Premio do Saló a toda unha traxectoria a Miguelanxo Prado. Con el, tiveron que subir á palestra os membros do colectivo Polaqia. O seu fanzine "Barsowia" venceu nesta categoría, na que competía por primeira vez con títulos consolidados coma o "Fanzine Enfermo" ou "Arruequen". Esta é así a segunda publicación en galego que acada un premio nesta categoría. Finalmente David Rubín fíxose co premio ao autor revelación. Nas outras tres categorías nas que estaba nominado, a veteranía do celebérrimo Max impúxose á nosa nova promesa. De calquera xeito, todo un éxito que confirma o pulo da nosa BD

Máis información na nosa reportaxe sobre o Saló