"El Fanzine Enfermo", dirixido por Alberto Vázquez compite con "BD Banda" na candidatura a mellor fanzine no Saló de Barcelona

A presenza galega amplíase nos premios ao mellor fanzine do ano 2004 no Saló do Cómic de Barcelona. "El Fanzine Enfermo" dirixido polo coruñés Alberto Vázquez desde a Cidade Condal compite con "BD Banda" nesta categoría. Esta publicación, que acaba de tirar o seu cuarto número, conta ademais coas colaboración habituais dos galegos Jano e Brais Rodríguez e inclúe no seu último número unha historia de David Rubín. Na mesma categoría encóntrase "Arruequen", un fanzine desenvolvido desde Madrid por unha decena de autores entre os que se conta Ken Niimura, colaborador habitual do "Barsowia". "Mala Vida" e "Que Suerte" completan o elenco de aspirantes a mellor fanzine. Pola banda das revistas confirmas a candidatura de "2 Veces Breve", unha publicación granadina que competirá con, entre outras, "Míster K". A revista andaluza publicou o pasado verán un número dedicado especialmente autores do noso país e conta de xeito habitual con colaboracións galegas. No seu último "especial autoras" participa a coruñesa Emma Ríos.

Máis información no web de Ficomic e nos nosos arquivos