Hoxe remata en Santiago o foro "Europa Mundi" que aborda a situación política

A situación actual da democracia no proceso da construccion europea é o centro do debate do foro "Europa Mundi" que remata hoxe. Expertos europeos en Ciencias Políticas concentráronse en Santiago neste foro enmarcado dentro dos actos de Compostela 2000.



Temas




"Construcción de Europa, globalización e reinvención da democracia" é o título do programa que incide na metodoloxía para analizar o grado de satisfacción cun partido ou cun sistema político. A reinvención institucional da democracia; democracia, sociedade civil e novos actores políticos, democracia e cultura política euopea; democracia e cidadanía multicultural; democracia, nacionalismo e europeísmo; e democracia e comunicación son as seis áreas temáticas que se abordarán nas charlas, debates e táboas redondes.












Ponentes



Ata un total de 73 ponentes procedentes de tódalas partes do mundo se concentran estes días en Santiago, no congreso coordinado por Ramón Máiz, Catedrático de Ciencias Políticas. Claus Offe, profesor da Universidade de Humboldt de Berlin, Juan Linz, experto en Ciencia Política da Universidade de Yale son algúns dos politólogos que debaten estes días sobre a situación política actual.



Europa Mundi Reflexión e debate



Este congreso organízase no marco dun proxecto máis amplo que leva por título "Europa Mundi: Reflexión e debate" no que colaboran a Unesco e a Universidade de Santiago. Un convenio que pretende analizar as tendencias, problemas e camiños que sentan as bases de futuro na economía, a política e o comportamento social.