Xa está aquí a anunciada homenaxe que se lle vai facer en Lugo a Federico García Lorca rememorando o seu paso pola cidade. O eixe da celebración son os noventa anos da primeira visita do poeta a Lugo. Lecturas públicas, conferencias, e mesmo unha homenaxe que contará coa presenza de Manolo Rivas compoñen un nutrido programa que se desenvolverá ao longo da fin de semana. Ao tempo, o Instituto Ramón Piñeiro anunciou que fará unha edición facsimilar da revista "Yunque", dirixida por Ánxel Fole, onde se publicou o primeiro poema en galego de Lorca.
Máis información en El Progreso, e nos nosos arquivos
