Unha fundación lembrará e difundirá a obra do galeguista Antón Losada Diéguez. A entidade, que se presentaba onte, terá a súa sede no pazo de Moldes, no concello de Boborás, e conta cunha dotación inicial de 270.000 euros. Ao tempo, presentouse en Pontevedra o Foro de Estudos Políticos e Sociais Manuel Cuña Novás. A entidade, que nace como Asociación cultural quere desenvolver análises en campos coma a cultura, a ciencia ou a política, e inicia a súa actividade cunha mesa redonda sobre "Crecemento económico e dereito" o vindeiro luns 23.
Máis información nas edicións de hoxe de La Región e de La Voz de Galicia
