Bota a andar a Fundación Losada Diéguez

Xa levaba tempo constituída pero non foi ata o venres que se presentou oficialmente. A Fundación Losada Diéguez, con sede no Pazo de Moldes, que pertenceu ao galeguista, acollerá as actividades da entidade, mercé ao compromiso da súa filla, que cedeu o pazo familiar e a documentación á nova entidade. A Fundación conta con representación dos concellos do Carballiño, Boborás, A Estrada, a Deputación de Ourense ou o Museo de Pontevedra. Entre os primeiros proxectos, está a elaboración dunha biografía a cargo dun dos principais especialistas na súa vida e obra: Justo González Beramendi.