O artista Acisclo Manzano denuncia a desaparición de dúas das súas pezas

Dúas pezas da autoría do artista ourensán Acisclo Manzano desapareceron das súas localizacións nos últimos días. Un busto de Antón Losada Diéguez situado na entrada do museo dedicado a este galeguista en Boborás foi subtraído da súa localización e reapareceu diante do propio fogar do autor, segundo recolle hoxe La Voz de Galicia. A peza foi devolta ao seu lugar orixinal. Concello e Fundación Losada Diéguez anunciaron novas medidas de seguridade para a protexer.

Ademais, o artista apuntou tamén que un mural realizado por el no barrio ourensán da Ponte foi retirado da parede no que se atopaba, sen que saiba polo momento quen o levou nin onde se atopa. A comunidade de veciños do edificio afectado xa presentou a correspondente denuncia. A obra estaba valorada en 10.000 euros.