Hordas de escritura, a obra máis recente de Chus Pato, valeulle á súa autora o premio Antón Losada Diéguez na súa XXIV edición na modalidade de creación. Pola súa banda, Camilo Nogueira Román foi o gañador na categoría de ensaio con O continente pensado. En total presentáronse ao certame 47 traballos, dos que 24 eran de creación e os outros 23 de ensaio. O acto de entrega dos galardóns desenvolverase o vindeiro 13 de xuño no pazo da familia Losada en Moldes, Boborás.
