Cesáreo Sánchez Iglesias leva o premio Losada Diéquez

O xurado do Premio Antón Losada Diéguez, que convocan anualmente os concellos de Boborás e do Carballiño, deu a coñecer onte os gañadores da XXIX edición destes galardóns. O poemario Caderno do Nilo valeulle a Cesáreo Sánchez Iglesias facerse co premio de creación literaria, dotado con 6.000 euros. Pola súa banda, Tastarabás. Enciclopedia de brinquedos tradicionais de Antón Cortizas foi recoñecida co galardón na categoría de Ensaio e Investigación, coa mesma dotación. Os premios entregaranse o vindeiro 14 de xuño no Pazo de Moldes, en Boborás.