Os premios Losada Diéguez xa teñen gañadores. Trátase de Antón Costa por “Historia da educación e da cultura de Galicia” na modalidade de investigación e de Rosa Aneiros por “Veu visitarme o mar” na de creación literaria. Os premios entregaranse o vindeiro 11 de xuño na localidade natal de Losada Diéguez, en Moldes, concello de Boborás. Por outra banda, o xornalista lucense Manuel Darriba vén e facerse coa XIII edición do premio Espiral Maior de Poesía co libro “Vostede non sabe con que está a falar” presentado baixo o lema Anticlásica. O premio non ten contía económica senón a publicación da obra. Por último, a feira do libro que vén de pechar a súas portas en Santiago anunciou que contará na súa programación do vindeiro ano co Premio de Poesía Luísa Villalta.
Máis información sobre o premio Losada Diéguez no Galicia Hoxe, sobre o premio Espiral Maior de Poesía en La Opinión e sobre o premio Luísa Villalta en La Voz de Galicia
