Debuxos, gravados e colaxes de pequeno formato realizados por Euxenio Granell entre 1940 en 1970 compoñen a exposición que se inaugurou onte no Pazo de Bendaña de Compostela. Pola súa banda, o escultor barcelonés Sergi Aguilar presenta na galería viguesa VGO as súas obras, tamén de pequeno tamaño.
Granell en pequeno
O Pazo de Bendaña de Compostela, sede da Fundación Granell, expón desde onte unha mostra dedicada ó artista que dá nome a esta institución. A exposición recolle cincuenta e seis obras de pequeno formato realizadas en trinta anos de carreira. Entre as técnicas que se poden contemplar atópanse colaxes, gravados e debuxos. Unha das salas da mostra está dedicada exclusivamente a retratos, algúns dos cales foron confeccionados exclusivamente en papel, material que teñen en común todas as pezas.
Sergi Aguilar
O escultor barcelonés Sergi Aguilar expón na Galería viguesa VGO doce pezas de ferro e madeira que teñen en común o seu pequeno tamaño. Ademais de escultura, pódense ver debuxos do artista realizados directamente sobre madeira. O traballos expostos son froito de varios anos de actividade.
