Vista da exposición na galería SCQ
Sergi Aguilar comezou a fabricar xoias pero pronto se pasaría á escultura, xénero no que sufriu unha evolución destacada ata converterse nunha figura de referencia. A súa liña de traballo, que se pode ver na exposición que estará aberta na galería SCQ ata o 27 de febreiro, segue marcada por unha pureza xeométrica, un gran acabado formal asentado na súa filosofía de traballo conceptual que xira ao redor de ideas como a viaxe, a experiencia, o lugar, a natureza e o uso da cor como recurso constructivo pero tamén expresivo.
