Sen título, 2009
Jose Pedro Croft (Porto, 1957) regresa por cuarta vez á galería SCQ para presentar unha exposición fiel á súa liña de traballo habitual: análise da fronteira entre a escultura, debuxo e a pintura. Logo dun ano de traballo preparando esta exposición, a galería SCQ acolle cinco pezas realizadas con perfís e pranchas de ferro, combinadas con traballos de papel que xoga coa perspectiva, cos puntos de fuga, e o xogo entre o interior e o exterior, entre a forma, o volume e o espazo. Unha nova aposta pola escultura desta galería santiaguesa, nun contexto pouco propicio para o xénero.
