Formato de Mar Vicente, na sala Alterarte
A sala Alterarte de Ourense acolle ata o vindeiro 4 de marzo a exposición Formato, unha intervención de Mar Vicente realizada especificamente para este espazo. Grandes pezas que enchen a sala a dialogar con outras de pequeno tamaño das paredes, a medio camiño entre a escultura e a pintura e relacionándose co propio espazo da exposición. A artista estará presente o vindeiro mes de febreiro en ArtMadrid, en marzo realizará unha exposición na galería Trinta (Compostela) e en xuño na galería Coll Blanc (Castelló).
