Mar Vicente leva as súas Posiciones 3 á Galería Trinta

Unha exploración das posibilidades do cadrado e do cubo é a base de Posiciones 3, a exposición que Mar Vicente inauguraba o pasado 23 de outubro na Galería Trinta. Ata o vindeiro 8 de decembro este espazo compostelán acolle unha exposición na que a artista luguesa mestura obxectos con pintura e busca os límites desta arte mediante experimentos cromáticos que xogan a confundir a percepción. A participación do espectador é, segundo a creadora, fundamental para xerar escenas "que fan que a experiencia da obra se multiplique e se prolongue indefinidamente".