membranosa-entre (NBP), 2009. Ricardo Basbaum
O pasado 18 de xullo abría as súas portas no Centro Galego de Arte Contemporánea, en Compostela, Transformación. A exposición que esta entidade lle dedica ao traballo do arxentino Víctor Grippo repasa o interese deste creador polos obxectos cotiáns mediante esculturas e instalacións que se poderán ver ata o vindeiro 20 de outubro. Esta mostra súmase a Diagramas dedicada ao traballo Ricardo Basbaum que supón a outra proposta do centro para o verán. Ata o vindeiro seis de outubro é visitable esta retrospectiva do traballo do artista brasileiro que conxuga obxectos, textos, instalacións e a participación do público.
