Estamos rodeados de obxectos e alguns deles teñen unha beleza de seu próxima as obras de arte. E Xurxo Oro Claro (A Golada, Pontevedra, 1955) descubre esa cara da arte a partir da nosa cotidaineidade. O seu traballo, chamado Obxectos 2 pode verse na galería Moret Art nunha exposición que pon o énfase na pureza de formas e de materiais, enmarcados con elementos naturais, nunha especie de metáfora sobre a relación do home coa natureza.
Esta mostra é unha síntese de todas as pezas clave da plástica de Xurxo Oro Claro. Doce pezas que permiten descubrir obxectos que proceden da nosa vida diaria e que, fóra do seu contexto, adquiren outra significación. De feito, desposuídos da súa utilidade, os obxectos cobran unha nova vida, converténdose en espías e reflexo da nosa actividade.
