Unhas árbores de Valencia, outras do parque de Santa Margarita, o céspede da lagoa de Cospeito e un personaxe de conto. Esta é a paisaxe construída por Xurxo Gómez-Chao nunha das obras que se pode ver no espazo de arte de Moret Art na Coruña ata o 29 de maio. A exposición reúne dúas das últimas series do artista Nocturnia e O corazón do bosque que dá título á mostra e na que se pode ver as constantes deste artista: as arboredas, unha paleta monocroma e unha visión pictoricista da realidade.
