A actual responsable da Consellaría de Cultura, Ánxela Bugallo, anunciou onte que está descartado o proxecto de transformar o Centro Galego de Arte Contemporánea nunha fundación. Segundo Bugallo, o seu departamento está a analizar a posibilidade de optar por esta fórmula xurídica para xestionar diferentes apartados do centro. Canda a ela, o responsable desta institución, Manuel Olveira, apuntaba na presentación da programación para 2006 que o CGAC centrarase baixo o seu mandato na posta en marcha de proxectos plurianuais. Exemplo disto é Proxecto_Edición, que comezará este mesmo ano coa colaboración do MARCO e da Fundación Seoane.
Máis información en Galicia Hoxe, en La Voz deGalicia e nos nosos arquivos
