A intención é "reequilibrar" as dotacións que a Consellaría de Cultura outorga aos museos do país. Ánxela Bugallo anunciaba onte que o seu departamento incrementará o apoio á Fundación Luís Seoane, con sede na Coruña, xa que ata o momento a súa participación era de só 3.000 euros anuais sobre un orzamento de 360.000. Ao tempo, a Consellería lembrou que o actual goberno de Vigo reducira en 150.000 euros a súa achega económica ao MARCO, respondendo así ás críticas municipais polo menor apoio que dará a Xunta a esta institución. Aínda sen concretar a participación no orzamento da Fundación Seoane, este departamento sinalou que o centro vigués continúa a ser o que recibe un maior apoio dentro das axudas a museos.
Máis información en Galicia Hoxe, en Faro de Vigo, e en La Opinión; máis sobre a polémica do orzamento nos nosos arquivos
