A titular de Cultura e Deportes, Ánxela Bugallo, asegurou que recorrerá ao asesoramento do Consello da Cultura Galega para o desempeño das súas funcións, cumprindo a faculdade coa que naceu esta institución. A conselleira fixo esta afirmación logo da xuntanza que mantivo o pasado venres coa Comisión Executiva desta institución, onde tamén sinalou a súa disposición a manter unha colaboración permanente. Na mesma mañá, o presidente da Xunta, Emilio Pérez Touriño, mantivo unha xuntanza con Isaac Díaz Pardo, presidente do padroado do Museo do Pobo. Neste encontro, Touriño encargoulle a esta institución que colaborase para definir os contidos e o emprego da Cidade da Cultura, e anunciou que se esforzará para potenciar a actividade deste centro.
Máis información en La Voz de Galicia sobre o encontro co Consello; sobre o informe do Museo do Pobo e en Galicia Hoxe
