A reforma da Compañía da Radio e Televisión de Galicia que quere abordar a Xunta realizarase co asesoramento do Consello da Cultura Galega (CCG). Emilio Pérez Touriño, actual xefe de goberno, solicitoulle a Alfonso Zulueta de Haz, presidente do Consello, o asesoramento da institución neste campo. Ademais, reafirmou o papel consultivo do CCG ao lle encomendar tamén a elaboración dun informe sobre os empregos que se lle poden dar á Cidade da Cultura. Na mesma xuntanza, Zulueta apuntou a posibilidade de achegar os destacados fondos arquivísticos da entidade que preside, de cara á creación neste recinto dun Arquivo de Galicia. Zulueta tamén sinalou que a capacidade asesora do Consello “non se empregou con toda a súa eficacia” na anterior etapa política e ofreceuse a colaborar activamente co novo goberno.
Máis información en La Voz de Galicia, en Galicia Hoxe e en Faro de Vigo
